ഹരിതകർമസേനാ സംരംഭകത്വ വികസന പദ്ധതി: ധാരണാപത്രം ഒപ്പുവെച്ചു

കാസർകോട് ഹരിത കർമസേനയ്ക്ക് അധികവരുമാനം കണ്ടെത്തുന്നതിനുള്ള പദ്ധതി കാസർകോട് നഗരസഭയിൽ തുടങ്ങി. പതിനാറ് ലക്ഷം രൂപയുടെ സംരംഭകത്വ വികസന പദ്ധതിയാണ് കാസർകോട്ട് നടപ്പാക്കുന്നത്. കേരള ഖരമാലിന്യ പരിപാലന പദ്ധതിയിലുൾപ്പെടുത്തി രണ്ടു ഘട്ടങ്ങളിലായാണ് പദ്ധതി നടപ്പാക്കുന്നത്. ആദ്യഘട്ടത്തിൽ പാഴ്‌തുണികളുപയോഗിച്ചുള്ള വിവിധ ഉത്പന്നങ്ങളുടെ നിർമാണമാണ് ലക്ഷ്യമിടുന്നത്.

ഇതുമായി ബന്ധപ്പെട്ടുള്ള ധാരണപത്രത്തിൽ ഹരിത കർമസേന കൺസോർഷ്യം സെക്രട്ടറി ഗായത്രി കിണി, കാസർകോട് നഗരസഭാ സെക്രട്ടറി ആന്റണി വട്ടോളി എന്നിവർ ഒപ്പുവെച്ചു. നഗരസഭാധ്യക്ഷൻ അബ്ബാസ് ബീഗം, ഖാലിദ് പച്ചക്കാട്, എ.വി. മധുസൂദനൻ, ഡോ. കെ.വി. സൂരജ്, കെ.പി. നീതു റാം എന്നിവർ പങ്കെടുത്തു.