വികസനത്തിൽ ജനകീയ പങ്കാളിത്തം വേണം -സ്പീക്കർ

തലശ്ശേരി : വികസനകാര്യങ്ങളിൽ ജനങ്ങളുടെ പങ്കാളിത്തത്തോടെ ജനകീയമുന്നേറ്റം സൃഷ്‌ടിക്കാൻ സാധിക്കണമെന്നും എല്ലാം സർക്കാർ നൽകുമെന്ന കാഴ്‌ചപ്പാട് മാറണമെന്നും സ്‌പീക്കർ എ.എൻ.ഷംസീർ പറഞ്ഞു. എരഞ്ഞോളി ഗ്രാമപ്പഞ്ചായത്ത് വികസനസദസ്സ് ചോനാടത്ത് ഉദ്ഘാടനം ചെയ്യുകയായിരുന്നു അദ്ദേഹം. ഗ്രാമപ്പഞ്ചായത്തിൻ്റെ പ്രോഗ്രസ് റിപ്പോർട്ട് പഞ്ചായത്ത് പ്രസിഡൻ്റ് എം.പി.ശ്രീഷ സ്പ‌ീക്കർക്ക് നൽകി പ്രകാശനം ചെയ്തു. പഞ്ചായത്തിലെ ലൈഫ് ഗുണഭോക്താക്കൾക്കുള്ള താക്കോൽ സ്ീക്കർ കൈമാറി. ഹരിതകർമസേനാംഗങ്ങളെ ആദരിച്ചു.

പൊതുശ്മശാനം നിർമിക്കണം, തലശ്ശേരി മണ്ഡലത്തിൽ ചെസ് അക്കാദമി, വിദ്യാലയങ്ങളിൽ പൂരക്കളിയും കളരിയഭ്യാസവും നടത്തണം, റോഡ് വികസനത്തിൽ വീട് നഷ്ട്‌ടപ്പെടുന്നവരുടെ ആശങ്കകൾ പരിഹരിക്കണം എന്നിവ ചർച്ചയായി. ഗ്രാമപ്പഞ്ചായത്ത് പ്രസിഡന്റ് എം.പി.ശ്രീഷ അധ്യക്ഷയായി. പി.വിജ പി.ആർ.വസന്തൻ, ഉമേഷ് ബാബു, ടി.കെ.ജെസിൻ, കെ.ഡി.മഞ്ജുഷ, ഡോ. ആർ.എൽ.സംഗീത, കെ.ഷാജി, സി.കെ.ജസ്‌ന എം.ബാലൻ തുടങ്ങിയവർ പങ്കെടുത്തു.