മൂല്യവർധിത ഉത്പന്നങ്ങൾ പ്രോത്സാഹിപ്പിക്കണം -ഡെപ്യൂട്ടി സ്പീക്കർ

കൊടുമൺ : മൂല്യവർധിത ഉത്‌പന്നങ്ങൾ നിർമിക്കുന്നതിന് കർഷകർക്ക് മതിയായ പരിശീലനം ലഭ്യമാക്കണമെന്ന് ഡെപ്യൂട്ടി സ്‌പീക്കർ ചിറ്റയം ഗോപകുമാർ പറഞ്ഞു.

പ്രകൃതി കൃഷി പദ്ധതിയുടെ ഭാഗമായുള്ള ഭാരതീയ പ്രകൃതി കിസാൻ മേള ഉദ്ഘാടനം ചെയ്യുകയായിരുന്നു അദ്ദേഹം. മേളയുടെ ഭാഗമായി ജൈവകാർഷിക ഉത്പന്നങ്ങൾ, മൂല്യ വർധിത കാർഷിക ഉത്പന്നങ്ങൾ, കാർഷിക യന്ത്രങ്ങളുടെ പ്രവർത്തനം എന്നിവയുടെ പ്രദർശനം ഉണ്ടായിരുന്നു. പഞ്ചായത്ത് പ്രസിഡന്റ് കെ.കെ. ശ്രീധരൻ അധ്യക്ഷത വഹിച്ചു.

ബ്ലോക്ക് പഞ്ചായത്ത് പ്രസിഡൻ്റ് എം.പി. മണിയമ്മ, അംഗം കുഞ്ഞന്നാമ്മ കുഞ്ഞ്, ഗ്രാമപ്പഞ്ചായത്ത് വൈസ് പ്രസിഡൻ്റ് ധന്യാദേവി, അംഗങ്ങളായ ലിസി റോബിൻ, പി.എസ്. രാജു, കൊടുമൺ ഫാർമേഴ്‌സ് പ്രൊഡ്യൂസർ കമ്പനി ചെയർമാൻ എ.എൻ. സലിം, കൃഷി അസിസ്റ്റൻറ് ഡയറക്‌ടർ റോണി വർഗീസ്, കൃഷി ഓഫീസർ എസ്. രഞ്ജിത്ത് എന്നിവർ പ്രസംഗിച്ചു.