വിദ്യാലയങ്ങൾ മികവിൻ്റെ കേന്ദ്രങ്ങളാകുന്നതിൽ അഭിമാനം - മന്ത്രി വി. അബ്‌ദുറഹിമാൻ

കൊടുങ്ങല്ലൂർ : ഒരു കാലത്ത് തകർച്ചയുടെ വക്കിലെത്തിയ പല പൊതുവിദ്യാലയങ്ങളും പൂട്ടേണ്ടിവന്ന അവസ്ഥയിൽനിന്ന് ഇന്നു കാണുന്ന മികവിന്റെ കേന്ദ്രങ്ങളായി മാറിയതിൽ സർക്കാരിൻ്റെ ഇച്ഛാശക്തിയും കേരള സമൂഹത്തിന്റെ വിജയവുമാണെന്ന് മന്ത്രി വി. അബ്‌ദുറഹിമാൻ പറഞ്ഞു.

ശ്രീനാരായണപുരം പടിഞ്ഞാറേ വെമ്പല്ലൂർ ഗവ. എൽപി സ്കൂ‌ൾ ശതാബ്ദികെട്ടിടത്തിന് സർക്കാർ അനുവദിച്ച ഒരു കോടി രൂപയുടെ കെട്ടിട നിർമാണത്തിന്റെ ശിലാസ്ഥാപനം നിർവഹിക്കുകയായിരുന്നു മന്ത്രി ഇ.ടി. ടൈസൺ എംഎൽഎ അധ്യക്ഷനായി. പഞ്ചായത്ത് പ്രസിഡന്റ് എം.എസ്. മോഹനൻ, ടി.കെ. സന്തോഷ്‌കുമാർ, സജിതാ പ്രദീപ്, കെ.എസ്. ജയ, ശോഭനാ ശാർങധരൻ, പി.എ. നൗഷാദ്, കെ.എ. അയൂബ്, ജയ സുനിൽരാജ്, പി.യു. കൃഷ്ണേന്ദു തുടങ്ങിയവർ പ്രസംഗിച്ചു.