ലോഡ്ഷെഡ്ഡിങ്ങും പവർകട്ടുമില്ലാത്ത കാലം -മന്ത്രി കെ. കൃഷ്ണൻകുട്ടി

തൃശ്ശൂർ ലോഡ്ഷെഡ്ഡിങ്ങും പവർകട്ടുമില്ലാത്ത കാലഘട്ടത്തിലൂടെയാണ് കേരളം മുന്നോട്ടുപോകുന്നതെന്ന് വൈദ്യുതിമന്ത്രി കെ. കൃഷ്‌ണൻകുട്ടി പറഞ്ഞു. അവണൂർ പഞ്ചായത്തിലെ ചൂലിശ്ശേരിയിൽ 33 കെവി സബ്സ്റ്റേഷന്റെ നിർമാണോദ്ഘാടനം നിർവഹിക്കുകയായിരുന്നു അദ്ദേഹം.

സേവ്യർ ചിറ്റിലപ്പിള്ളി എംഎൽഎ അധ്യക്ഷനായി. കെ. രാധാകൃഷ്ണ‌ൻ എംപി, അവണൂർ ഗ്രാമപ്പഞ്ചായത്ത് പ്രസിഡൻ്റ് തങ്കമണി ശങ്കുണ്ണി. കൈപ്പറമ്പ് ഗ്രാമപ്പഞ്ചായത്ത് പ്രസിഡൻ്റ് കെ.കെ. ഉഷാദേവി, ജില്ലാപഞ്ചായത്തംഗം ലിനി, പുഴയ്ക്കൽ ബ്ലോക്ക് പഞ്ചായത്തംഗം ശ്രീലക്ഷ്‌മി സനീഷ്, കെ.എസ്ഇബി ട്രാൻസ്മിഷൻ ആൻഡ് സിസ്റ്റം ഓപറേഷൻ ഡയറക്‌ടർ എസ്. ശിവദാസ്, ട്രാൻസ്മ‌ിഷൻ നോർത്ത് ചീഫ് എൻജിനീയർ കെ. ശാന്തി തുടങ്ങിയവർ പ്രസംഗിച്ചു.