സാമൂഹികശാസ്ത്രം, ഐടിമേള; എടവനക്കാട് ഹിദായത്തുൽ ഹയർസെക്കൻഡറി വിഭാഗം മിന്നിച്ചു

ചെറായി: വൈപ്പിൻ ഉപജില്ലാ സാമൂഹികശാസ്ത്രം, ഐടി മേളകളിൽ എടവനക്കാട് ഹിദായത്തുൽ ഇസ്‌ലാം ഹയർ സെക്കൻഡറി സ്കൂളിലെ ഹയർ സെക്കൻഡറിവിഭാഗം ഓവറോൾ നേടി. വിവിധ മേളകളിൽ പ്രവൃത്തിപരിചയം, സാമൂഹികശാസ്ത്രം, ശാസ്ത്രം, ഗണിതം, ഐടി മേളകളിലായി ഹയർ സെക്കൻഡറി വിഭാഗത്തിൽനിന്നും 40 വിദ്യാർഥികൾ പങ്കെടുത്തു. വിവിധ സ്ഥാനങ്ങളിലായി 27 വിദ്യാർഥികൾ എ ഗ്രേഡ് നേടി മികച്ച പ്രകടനം കാഴ്ചവെച്ചു. എൽപി, യുപി, ഹൈസ്‌കൂൾ വിഭാഗത്തിൽനിന്നും നൂറോളം വിദ്യാർഥികൾ പങ്കെടുത്തു. വിവിധ സ്ഥാനങ്ങളിലായി 62 വിദ്യാർഥികൾ എ ഗ്രേഡ് നേടി മികച്ച പ്രകടനം കാഴ്‌ചവെച്ചു. ഹൈസ്കൂൾ വിഭാഗത്തിൽ സയൻസ്, പ്രവൃത്തിപരിചയ മേളകളിൽ ഫസ്റ്റ് റണ്ണർ അപ്പ്, സാമൂഹികശാസ്ത്രം സെക്കൻഡ് റണ്ണഅപ്പും നേടി.