'അറിവാണു ലഹരി': ബോധവത്‌കരണ സെമിനാർ

കോട്ടയ്ക്കൽ ലഹരിയുടെ വിഷക്കൈകൾ സമൂഹത്തിൽ ആഴ്ന്നിറങ്ങിയിരിക്കുകയാണെന്നും അതിനെതിരേ പോരാട്ടം നടത്തേണ്ടത് സമൂഹത്തിലെ ഓരോരുത്തരുടെയും ദൗത്യമാണെന്നും പ്രൊഫ. കെ.കെ. ആബിദ് ഹുസൈൻ തങ്ങൾ എംഎൽഎ പറഞ്ഞു. 'മാതൃഭൂമി'യും കോട്ടയ്ക്കൽ ഐടിപിസി കാമ്പസും ചേർന്ന് കോട്ടൂർ എകെഎംഎച്ച്എസ്എസ്സിൽ 'അറിവാണ് ലഹരി' എന്ന പേരിൽ നടത്തിയ ലഹരിവിരുദ്ധ ബോധവത്‌കരണ സെമിനാർ ഉദ്ഘാടനംചെയ്യുകയായിരുന്നു അദ്ദേഹം.

അസിസ്റ്റന്റ് എക്സൈസ് ഇൻസ്പെക്‌ടറും വിമുക്തി മിഷൻ ജില്ലാ ലെയ്‌സൺ ഓഫീസറുമായ ബിജു പാറോൽ ക്ലാസെടുത്തു. ഐടിപിസി മാനേജിങ് ഡയറക്ടർ അബ്‌ദുൾ സമദ്, സ്‌കൂൾ മാനേജർ കറുത്തേടത്ത് ഇബ്രാഹിം ഹാജി, പ്രിൻസിപ്പൽ അലി കടവണ്ടി, പ്രഥമാധ്യാപിക കെ.കെ. സൈബുന്നീസ, അധ്യാപകരായ എൻ. വിനീത, പി. ഷമീർ, കെ.വി. ഫവാസ്, മാതൃഭൂമി സീനിയർ റീജണൽ മാനേജർ സി. സുരേഷ്‌കുമാർ, ന്യൂസ് എഡിറ്റർ ആർ. ഗിരീഷ് കുമാർ, സെയിൽസ് ഓർഗനൈസർ ബി. സുനേവ് തുടങ്ങിയവർ സംസാരിച്ചു.