ട്രാക്കും ഫീൽഡും റെഡി... താരങ്ങളും

തിരുവനന്തപുരം: സംസ്ഥാന സ്ക്‌കൂൾ കായികമേള ട്രാക്കിലേക്ക്, പ്രധാന

വേദികളിലും അനുബന്ധ വേദികളിലും അവസാനഘട്ട പരിശോധനകളും പൂർത്തിയായി. തിങ്കളാഴ്‌ച രാവിലെയും രാത്രിയുമായി തലസ്ഥാനത്തേക്ക് കുട്ടി കായികതാരങ്ങൾ എത്തിച്ചേർന്നു. ഇവരെ വരവേൽക്കാൻ വിപുലമായ സജ്ജീകരണങ്ങളാണ് ഒരുക്കിയിരുന്നത്. മഴ മത്സരങ്ങളെ ബാധിക്കുമോയെന്ന ആശങ്കയുണ്ടെങ്കിലും മുന്നൊരുക്കങ്ങൾ തകൃതിയായി നടന്നു. 12 വേദികളിലായി 20,000 കുട്ടികളാണ് കായികമേളയിൽ പങ്കെടുക്കുന്നത്.