ഡൽഹിയുടെ പേര് 'ഇന്ദ്രപ്രസ്ഥ'യെന്നാക്കണം -വിഎച്ച്പി

ന്യൂഡൽഹി: ഡൽഹിയുടെ ചരിത്രവും സംസ്‌കാരവുമായി ബന്ധിപ്പിക്കുന്നതിന് തലസ്ഥാനത്തിൻ്റെ പേര് 'ഇന്ദ്രപ്രസ്ഥ' എന്നാക്കണമെന്ന് വിശ്വ ഹിന്ദു പരിഷത്ത് (വിഎച്ച്പി) ആവശ്യപ്പെട്ടു. ഡൽഹി സാംസ്ക്‌കാരികമന്ത്രി കപിൽ മിശ്രയ്ക്ക് അയച്ച കത്തിലാണ് ആവശ്യം. ഡൽഹി റെയിൽവേ സ്റ്റേഷൻ, ഷാജഹാനാബാദ് ഡിവലപ്മെന്റ് ബോർഡ് എന്നിവയുടെ പേരും ഇന്ദ്രപ്രസ്ഥമാക്കി മാറ്റണമെന്ന് വിഎച്ച്‌പി നേതാവ് സുരേന്ദ്ര കുമാർ ഗുപ്‌ത കത്തിലാവശ്യപ്പെട്ടു.

ഡൽഹി എന്ന് പറയുമ്പോൾ രണ്ടായിരം വർഷമാണ് നമ്മൾ കാണുന്നതെങ്കിൽ ഇന്ദ്രപ്രസ്ഥയാകുമ്പോൾ അത് അയ്യായിരം വർഷമാകുമെന്ന് കത്തിൽ ചൂണ്ടിക്കാട്ടി.