സുസ്മിതടീച്ചറെയും കുട്ടികളെയും അഭിനന്ദിച്ച് മന്ത്രി വി. ശിവൻകുട്ടി

വടകര : വിദ്യാഭ്യാസവകുപ്പിൻ്റെ അഭിമാന പ്രോജക്ട‌് സംയുക്ത ഡയറി'യുടെ ഉറവിടമായ പാലയാട് എൽപി സ്‌കൂളിലെ കുട്ടികളെയും പദ്ധതി ആവിഷ്‌കരിച്ച അധ്യാപിക എസ്. സുസ്‌മിതയെയും അഭിനന്ദിച്ച് മന്ത്രി വി. ശിവൻകുട്ടി മണിയൂർ ഹയർസെക്കൻഡറി സ്‌കൂളിലെ കെട്ടിടോദ്ഘാടനത്തിന് എത്തിയപ്പോഴാണ് മന്ത്രി ടീച്ചറെയും കുട്ടികളെയും നേരിൽക്കണ്ട് അഭിനന്ദിച്ചത്.

മന്ത്രിയുടെ ഫെയ്‌സ്ബുക്കിൽ കുട്ടികൾക്കും അധ്യാപികയ്ക്കും അഭിനന്ദനങ്ങൾക്കൊപ്പം നന്ദി അറിയിച്ചുകൊണ്ടുള്ള പോസ്റ്റും മന്ത്രി ഇട്ടിട്ടുണ്ട്. സുസ്മിത 2022-ൽ തൻ്റെ ഒന്നാം ക്ലാസിലെ 40 കുട്ടികൾക്ക് ആദ്യമായി നടപ്പാക്കിയ സംയുക്ത ഡയറി പിന്നീട് വിദ്യാഭ്യാസവകുപ്പ് ഏറ്റെടുക്കുകയും സംസ്ഥാനത്തെ മുഴുവൻ ഒന്നാം ക്ലാസിലേക്കും വ്യാപിപ്പിക്കുകയുമായിരുന്നു.