തുലാവർഷം ഉടനെത്തും; 20 വരെ കനത്തമഴയ്ക്ക് സാധ്യത

തിരുവനന്തപുരം: കേരളത്തിൽ വടക്കുകിഴക്കൻ കാലവർഷം (തുലാവർഷം) ഉടൻ എത്തുമെന്ന് കാലാവസ്ഥാവകുപ്പ്, രണ്ടുദിവസത്തിനകം തുലാവർഷത്തിൻ്റെ വരവ് സ്ഥിരീകരിക്കും. സംസ്ഥാനമാകെ വ്യാപകമായി മഴപെയ്യും. ചിലയിടങ്ങളിൽ 20 വരെ ഒറ്റപ്പെട്ട കനത്തമഴയ്ക്കും സാധ്യതയുണ്ട്.

19-ഓടെ തെക്കുകിഴക്കൻ അറബിക്കടലിൽ കേരളത്തിനും തെക്കൻ കർണാടകത്തിനും അടുത്തായി ന്യൂനമർദം രൂപപ്പെടാം. ന്യൂനമർദം ശക്തിപ്രാപിക്കാൻ ഇടയുണ്ടെങ്കിലും കേരളതീരത്തുനിന്ന് അകലാനാണ് സാധ്യത. കാറ്റും ശക്തമാകും.

കർണാടകം, കേരളം, തെക്കൻ തമിഴ്‌നാട് തീരങ്ങളിൽ 17 മുതൽ 20 വരെ മീൻപിടിത്തം വിലക്കി.

മഞ്ഞമുന്നറിയിപ്പ്

. ബുധൻ-പത്തനംതിട്ട, കോട്ടയം, ഇടുക്കി, എറണാകുളം

. വ്യാഴം-വെള്ളി-തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം,

ഇടുക്കി, എറണാകുളം, തൃശ്ശൂർ.

ശനി-പത്തനംതിട്ട, ഇടുക്കി, തൃശ്ശൂർ, പാലക്കാട്, മലപ്പുറം, വയനാട്