മരുന്നുകളുടെ പാർശ്വഫലം: ജനങ്ങളുടെ ആശങ്കയകറ്റണം -കെ.സി. വേണുഗോപാൽ

ആലപ്പുഴ: വൈദ്യശാസ്ത്രരംഗം പാർശ്വഫല രഹിതമാകണമെന്നും മരുന്നുകൾ മറ്റു രോഗങ്ങൾക്കു കാരണമാകുന്നത് അപകടമാണെന്നും കെ.സി. വേണുഗോപാൽ എംപി പറഞ്ഞു. ദി ഇൻസ്റ്റിറ്റ്യൂഷൻ ഓഫ് ഹോമിയോപ്പത്‌സിന്റെ സംസ്ഥാന ശാസ്ത്രസെമിനാർ ഉദ്ഘാടനം ചെയ്യുകയായിരുന്നു അദ്ദേഹം.

മരുന്നുനിർമാണത്തിൽ നിയന്ത്രണങ്ങളാവശ്യമാണ്. ചുമയുടെ മരുന്നുകഴിച്ച് കുട്ടികൾ മരിച്ച സാഹചര്യത്തിൽ എല്ലാത്തരം മരുന്നുകൾക്കും സർട്ടിഫിക്കറ്റു വേണം -എംപി പറഞ്ഞു. ഐഎച്ച്കെ സംസ്ഥാനതലത്തിൽ നടത്തുന്ന സൗജന്യ ഹോമിയോപ്പതി മെഡിക്കൽ ക്യാമ്പിന്റെ ഉദ്ഘാടനവും എംപി നിർവഹിച്ചു.

സംസ്ഥാന പ്രസിഡൻ്റ് ഡോ. കൊച്ചുറാണി വർഗീസ് അധ്യക്ഷയായി. മന്ത്രി പി. പ്രസാദ് ഐഎച്ച്കെ ഡിബേറ്റ് ക്ലബ്ബ് ഉദ്ഘാടനം ചെയ്‌തു. ഹോമിയോ ചികിത്സ ഫലപ്രദമാണെന്നും സർക്കാർ എല്ലാ പ്രോത്സാഹനവും നൽകുമെന്നും മന്ത്രി പറഞ്ഞു.

ചടങ്ങിൽ ബിഎച്ച്എംഎസ് റാങ്കു ജേതാക്കളെ അനുമോദിച്ചു.

എ.എം. ആരിഫ് മുഖ്യാതിഥിയായി. ഡോ. എം.പി. ബാബു, ഡോ. ദിലീപ്‌കുമാർ, ഡോ. ലിബിൻ ജോബ് എന്നിവർ പ്രബന്ധമവതരിപ്പിച്ചു. ഡോക്ടർമാരായ ആർ.ജി. പ്രദീപ്‌കുമാർ, പി.എ. നൗഷാദ്, അഞ്ജലി പുഷ്പാംഗദൻ, അശ്വിൻ പണിക്കർ, മുഹമ്മദ് അസ്ലം, മിനി ശ്യാം, കെ.എൽ. വിനീത, ഹരി വിശ്വജിത്ത് എന്നിവർ പ്രസംഗിച്ചു.