തദ്ദേശവാർഡ് സംവരണം: നറുക്കെടുപ്പ് 13 മുതൽ

തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിനു സംവരണ വാർഡുകളുടെ നറുക്കെടുപ്പ് 13 മുതൽ 16 വരെ നടക്കും. 941 ഗ്രാമപ്പഞ്ചായത്തുകളിലേക്ക് ഈ ദിവസങ്ങളിൽ അതതു കളക്ടറേറ്റുകളിലാകും നറുക്കെടുപ്പ്. ബ്ലോക്ക് പഞ്ചായത്തുകളിലേത് 18-ന് പത്തിന് നടക്കും. 14 ജില്ലാ പഞ്ചായത്തുകളുടേത് 21-ന് പത്തിന് നടക്കും.

17-ന് തിരുവനന്തപുരം സ്വരാജ് ഭവൻ കോൺഫറൻസ് ഹാളിൽ രാവിലെ 10-ന് തിരുവനന്തപുരം കോർപ്പറേഷനിലെയും രണ്ടിന് കൊല്ലം കോർപ്പറേഷനിലെയും വാർഡ് സംവരണത്തിനുള്ള നറുക്കെടുപ്പ് നടത്തും.

18-ന് കൊച്ചി കോർപ്പറേഷൻ ടൗൺഹാളിൽ രാവിലെ 10-ന് കൊച്ചി മുനിസിപ്പൽ കോർപ്പറേഷനിലെയും, 11.30-ന് തൃശ്ശൂർ മുനിസിപ്പൽ കോർപ്പറേഷനിലെയും നറുക്കെടുപ്പ് നടത്തും.

21-ന് കോഴിക്കോട് ടൗൺഹാളിൽ രാവിലെ 10-ന് കോഴിക്കോട് കോർപ്പറേഷനിലെയും, 11.30-ന് കണ്ണൂർ കോർപ്പറേഷനിലെയും നറുക്കെടുപ്പ് നടത്തും.

മട്ടന്നൂർ ഒഴികെയുള്ള 86 മുനിസിപ്പാലിറ്റികളിലേക്കുള്ള സംവരണ വാർഡ് നറുക്കെടുപ്പ് 16-ന് 10-ന് അതത് ജില്ലകളിലെ വിജ്ഞാപനം ചെയ്തിട്ടുള്ള സ്ഥലങ്ങളിൽ നടക്കും. കൂടുതൽ വിവരങ്ങൾ സംസ്ഥാന തിരഞ്ഞെടുപ്പ് കമ്മീഷന്റെ വെബ്സൈറ്റിൽ https://www.sec.kerala.gov.in/