കാറിൽ കടത്തിയ 208 കിലോ നിരോധിത പുകയില ഉത്പന്നങ്ങൾ പിടിച്ചെടുത്തു

തിരുപ്പൂർ: തിരുപ്പൂരിനടുത്ത് പെരുമാനല്ലൂരിൽ കാറിൽ കടത്തിയ 208 കിലോ നിരോധിത പുകയില ഉത്പന്നങ്ങൾ പോലീസ് പിടിച്ചെടുത്തു. തിരുപ്പൂർ കുമാരനന്ദപുരം അയ്യപ്പൻകോവിൽ വീഥിയിലെ ബി. നന്ദകുമാറിനെ (27) പെരുമാനല്ലൂർ പോലീസ് അറസ്റ്റ് ചെയ്തു. മൊത്തമായി ഉത്പന്നങ്ങൾ സംഭരിച്ചശേഷം ചില്ലറ വ്യാപാരികൾക്ക് വിതരണം ചെയ്തു വന്നതായി യുവാവ് സമ്മതിച്ചെന്ന് പോലീസ് പറയുന്നു.