'ആന്ത്രോത്ത്' ഇന്ന് കമ്മിഷൻ ചെയ്യും

കൊച്ചി: ഇന്ത്യയുടെ രണ്ടാമത്തെ ആൻറി-സബ്‌മറൈൻ വാർഫെയർ ഷാലോ വാട്ടർ ക്രാഫ്റ്റ് 'ആന്ദ്രോത്ത്' ഇന്ത്യൻ നാവികസേന തിങ്കളാഴ്ച‌ കമ്മിഷൻ ചെയ്യും. വിശാഖപട്ടണത്തെ നേവൽ ഡോക്‌യാർഡിൽ നടക്കുന്ന ചടങ്ങിൽ ഈസ്റ്റേൺ നേവൽ കമൻഡാന്റിലെ ഫ്ളാഗ് ഓഫീസർ കമാൻഡിങ്-ഇൻ-ചീഫ് വൈസ് അഡ്‌മിറൽ രാജേഷ് പെൻഡാർക്കർ അധ്യക്ഷത വഹിക്കും.

കൊൽക്കത്തയിലെ ഗാർഡൻ റീച്ച് ഷിപ്പ് ബിൽഡേഴ്‌സ് ആൻഡ് എൻജിനിയേഴ്സ‌് നിർമിച്ച 'ആന്ത്രോത്ത് 80 ശതമാനത്തിലധികം തദ്ദേശീയ ഉള്ളടക്കത്തോടെയാണ് നിർമിച്ചത്. 'ആന്ത്രോത്ത്' കമ്മിഷൻ ചെയ്യുന്നതോടെ ശേഷി വർധനയിലും തദ്ദേശീയവത്കരണത്തിലും ഇന്ത്യൻ നാവികസേനയുടെ മുന്നേറ്റത്തിലെ നാഴികക്കല്ലാകും.