സഹകരണവകുപ്പ് മന്ത്രി നൽകിയ വാക്ക് പാലിക്കണം

അങ്ങാടിപ്പുറം : സഹകരണ പെൻഷൻ പരിഷ്‌കാരസമിതിയുടെ റിപ്പോർട്ടിലെ ചർച്ച അവസാനിപ്പിച്ച് പെൻഷൻ പരിഷ്‌കരണവും ഡിഎയും ഉടൻ നടപ്പാക്കണമെന്ന് കേരള പ്രൈമറി കോ-ഓപ്പറേറ്റീവ് സർവീസ് പെൻഷനേഴ്സ് അസോസിയേഷൻ ജില്ലാകമ്മിറ്റി ആവശ്യപ്പെട്ടു. ഓഗസ്റ്റിൽ നടപ്പാക്കാമെന്ന് മന്ത്രി പറഞ്ഞ ഉറപ്പ് പാലിക്കണമെന്നും യോഗം ഉന്നയിച്ചു. അങ്ങാടിപ്പുറത്ത് പ്രിയദർശിനി ഹാളിൽ ചേർന്ന യോഗം സംസ്ഥാന ജനറൽസെക്രട്ടറി എൻ. സ്വാമിനാഥൻ ഉദ്ഘാടനംചെയ്‌തു. ജില്ലാ വൈസ് പ്രസിഡന്റ് പി.ടി. ജയദേവൻ അധ്യക്ഷനായി. ജില്ലാ ജനറൽസെക്രട്ടറി ടി. മുരളീധരൻ, പി. രാധാകൃഷ്ണൻ, കെ. അലവി, വി.വി. അബ്‌ദുറഹിമാൻ, ജോസ് ജേക്കബ് ചുങ്കത്തറ, ഇ. വിജയൻ, സ്റ്റെല്ല മാത്യു നിലമ്പൂർ, എം.എ. ദിനേശൻ, എം. മേദിനി തുടങ്ങിയവർ പ്രസംഗിച്ചു. സംഘടനയുടെ ജില്ലാസമ്മേളനം ഒക്ടോബർ അവസാനം നടത്താൻ തീരുമാനിച്ചു.