ഗുരുവിന്റെ ദർശനങ്ങൾ കേരളത്തെ മുൻപിലെത്തിച്ചു - മന്ത്രി എ.കെ. ശശീന്ദ്രൻ

ചാലക്കുടി: സാമൂഹിക- സാംസ്ക്‌കാരിക രംഗത്ത് കേരളത്തെ മറ്റു സംസ്ഥാനങ്ങളിൽനിന്ന് ഏറെ മുൻപിലെത്തിച്ചത് ശ്രീനാരായണ ഗുരുദേവൻ്റെ ദർശനങ്ങളും പ്രവർത്തനങ്ങളുമാണെന്ന് മന്ത്രി എ.കെ. ശശീന്ദ്രൻ പറഞ്ഞു. ശ്രീനാരായണഗുരു ജയന്തിയുടെ ഭാഗമായി എസ്എൻഡിപി യോഗം ചാലക്കുടി യൂണിയൻ സംഘടിപ്പിച്ച സാംസ്‌കാരിക സമ്മേളനം ഉദ്ഘാടനം ചെയ്യുകയായിരുന്നു മന്ത്രി.

യൂണിയൻ വൈസ് പ്രസിഡൻ്റ് ചന്ദ്രൻ കൊളത്താപ്പിള്ളി അധ്യക്ഷനായി. സെക്രട്ടറി കെ.എ. ഉണ്ണികൃഷ്‌ണൻ, സനീഷ്‌കുമാർ ജോസഫ് എംഎൽഎ, മുനിസിപ്പൽ ചെയർമാൻ ഷിബുവാലപ്പൻ, പ്രതിപക്ഷ നേതാവ് സി.എസ്. സുരേഷ്, ജില്ലാ പബ്ലിക് പ്രോസിക്യൂട്ടർ അഡ്വ. കെ.ബി. സുനിൽകുമാർ, കെ.കെ. ബാലൻ, പി.ആർ. മോഹനൻ തുടങ്ങിയവർ പ്രസംഗിച്ചു. സമ്മേളനത്തിനു മുന്നോടിയായി ടൗണിൽ സാംസ്‌കാരിക ഘോഷയാത്ര നടത്തി.