ഹരിതകർമ സേനാംഗങ്ങൾക്ക് ഓണക്കോടിയും ബോണസും നൽകി

കവിയൂർ പഞ്ചായത്തിലെ ഹരിതകർമ സേനാംഗങ്ങൾക്ക് ബോണസും ഓണക്കോടിയും നൽകുന്ന ചടങ്ങ് പഞ്ചായത്ത് പ്രസിഡൻ്റ് എം.ഡി. ദിനേശ് കുമാർ ഉദ്ഘാടനം ചെയ്‌തു. സർക്കാർ നൽകുന്ന ബോണസ് കൂടാതെ ഹരിതകർമ സേനയുടെ കൺസോർഷ്യം ഫണ്ടിൽനിന്നുള്ള തുകയും ക്ലീൻ കേരള കമ്പനിക്ക് നൽകിയ വസ്‌തുക്കളിൽനിന്ന് ലഭിച്ച തുകയും ചേർത്താണ് പഞ്ചായത്ത് ബോണസ് നൽകിയത്. ഹരിതകർമസേനയിലെ 28 പേരിൽ ഒരാൾക്ക് 7500 രൂപയ്ക്ക് മുകളിൽ കിട്ടുന്ന തരത്തിൽ വിതരണം ചെയ്തു‌.

വികസന സ്റ്റാൻഡിങ് കമ്മിറ്റി ചെയർമാൻ കെ.ആർ. വിനോദ് അധ്യക്ഷത വഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്‌സൺ ശ്രീകുമാരി രാധാകൃഷ്ണൻ, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്‌സൺ റെയ്ച്ചൽ വി.മാത്യു, പഞ്ചായത്ത് അംഗങ്ങളായ വി.എസ്. സിന്ധു, സിന്ധു ആർ.സി. നായർ, അനിതാ സജി, കെ.ആർ. രാജശ്രീ, പഞ്ചായത്ത് സെക്രട്ടറി സലാം തുടങ്ങിയവർ പ്രസംഗിച്ചു.