തദ്ദേശസ്ഥാപനങ്ങളുടെ മദ്യനിരോധനാധികാരം പുനഃസ്ഥാപിക്കും -വി.ഡി. സതീശൻ

മലപ്പുറം: യുഡിഎഫ് അധികാരത്തിലെത്തിയാൽ തദ്ദേശസ്വയംഭരണ സ്ഥാപനങ്ങളുടെ മദ്യനിയന്ത്രണാധികാരം പുനഃസ്ഥാപിക്കുമെന്നും സ്കൂൾതലംതൊട്ട് പാഠപുസ്‌തങ്ങളിൽ ലഹരിവിരുദ്ധ ഭാഗങ്ങൾ ഉൾപ്പെടുത്തുമെന്നും പ്രതിപക്ഷനേതാവ് വി.ഡി. സതീശൻ പറഞ്ഞു. മലപ്പുറം ടൗൺഹാളിൽ കേരള മദ്യനിരോധനസമിതിയുടെ 47-ാം സംസ്ഥാനസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

മലപ്പുറം കളക്ടറേറ്റിനു മുൻപിൽ നടത്തിക്കൊണ്ടിരിക്കുന്ന സത്യാഗ്രഹം മൂന്നാം വർഷത്തിലേക്കു പ്രവേശിച്ചതിൻറെ പ്രഖ്യാപനം സത്യാഗ്രഹസമിതി രക്ഷാധികാരി പി. ഉബൈദുള്ള എംഎൽഎ നിർവഹിച്ചു. മദ്യനിരോധനസമിതി സംസ്ഥാന പ്രസിഡന്റ് ഇയ്യച്ചേരി കുഞ്ഞികൃഷ്‌ണൻ അധ്യക്ഷനായി.

ഡോ. ഹുസൈൻ മടവൂർ, ഡിസിസി പ്രസിഡൻ്റ് വി.എസ്. ജോയ്, മദ്യനിരോധനസമിതി സംസ്ഥാന ജനറൽസെക്രട്ടറി ഡോ. വിൻസെന്റ് മാളിയേക്കൽ, പീഫ് കോഡിനേറ്റർ പ്രൊഫ ടി.എം. രവീന്ദ്രൻ, മദ്യനിരോധന മഹിളാവേദി സംസ്ഥാന പ്രസിഡൻ്റ് പ്രൊഫ. ഒ.ജെ. ചിന്നമ്മ, ഖദീജ നർഗീസ്, ബി.ആർ. കൈമൾ കരുമാടി, സിദ്ദിഖ് മൗലവി അയിലക്കാട്, മജീദ് മാടമ്പാട്ട് എന്നിവർ സംസാരിച്ചു.കളക്‌ടറേറ്റിലേക്കു നടന്ന പ്രകടനത്തിന് ഇയ്യച്ചേരി പത്മിനി, ടി.എം. വർഗീസ്, മേഴ്‌സി ജോയി, സിസ്റ്റർ ജയ, ഐ.സി. മേരി, ടി. ചന്ദ്രൻ, ആർട്ടിസ്റ്റ് ശശികല, പി. മോഹനകുമാരൻ, ലത കൈമൾ എന്നിവർ നേതൃത്വംനൽകി.