ഓണം കുടുംബശ്രീക്കൊപ്പം; സംസ്ഥാനതല വിപണനമേള തുടങ്ങി

തൃശ്ശൂർ കുടുംബശ്രീ സംസ്ഥാനതല ഓണം വിപണനമേളയ്ക്കു തുടക്കമായി. ടൗൺ ഹാളിൽ മന്ത്രി എം.ബി. രാജേഷ് ഉദ്ഘാടനം ചെയ്‌തു. എ.സി. മൊയ്‌തീൻ എംഎൽഎ അധ്യക്ഷനായി. 'നിങ്ങളില്ലാതെ ഞങ്ങൾക്ക് എന്ത് ആഘോഷം' എന്ന് കുടുംബശ്രീയെ അഭിസംബോധന ചെയ്‌തുകൊണ്ടായിരുന്നു മന്ത്രിയുടെ പ്രസംഗം, തൊട്ടതെല്ലാം പൊന്നാക്കുന്ന കൈപ്പുണ്യമാണു കുടുംബശ്രിക്കുള്ളതെന്നും ജനങ്ങൾക്കിടയിലുള്ള വിശ്വാസ്യത അതുകൊണ്ടാണെന്നും മന്ത്രി പറഞ്ഞു.

കെ. രാധാകൃഷ്ണ‌ൻ എംപി, എംഎൽഎമാരായ സേവ്യർ ചിറ്റിലപ്പിള്ളി, ഇ.ടി. ടൈസൻ, കുടുംബശ്രീ എക്‌സിക്യൂട്ടീവ് ഡയറക്‌ടർ എച്ച്. ദിനേശൻ, ജില്ലാപഞ്ചായത്ത് വൈസ് പ്രസിഡൻ്റ് ലതാ ചന്ദ്രൻ, ഗുരുവായൂർ നഗരസഭാ മുനിസിപ്പൽ ചെയർമാൻ എം. കൃഷ്‌ണദാസ്, ഗ്രാമപ്പഞ്ചായത്ത് അസോസിയേഷൻ പ്രസിഡൻ്റ് എസ്. ബസന്താൽ, നബാർഡ് ഡിജിഎം സെബിൻ ആന്റണി, ജില്ലാ മിഷൻ കോഡിനേറ്റർ ഡോ. യു. സലിൽ എന്നിവർ പ്രസംഗിച്ചു. സെപ്റ്റംബർ നാലുവരെയാണ് വിപണനമേള.