ജനാധിപത്യം സംരക്ഷിക്കാൻ ഒറ്റക്കെട്ടായിപോരാടണം- അഡ്വ. ജെബി മേത്തർ

മണിമല : വോട്ടർ പട്ടികയിലെ ക്രമക്കേട് പ്രതിപക്ഷ നേതാവ് രാഹുൽ ഗാന്ധി ചൂണ്ടിക്കാട്ടിയപ്പോൾ ഒറ്റതിരിഞ്ഞ് രാഹുൽ ഗാന്ധിയെയും പ്രിയങ്കാ ഗാന്ധിയെയും ആക്രമിക്കാനാണ് ബിജെപി ശ്രമിക്കുന്നതെന്ന് മഹിളാ കോൺഗ്രസ് സംസ്ഥാന പ്രസിഡന്റ് അഡ്വ. ജെബി മേത്തർ പറഞ്ഞു. അഡ്വ. ജെബി മേത്തർ നയിക്കുന്ന മഹിളാ സാഹസ് കേരള യാത്രയ്ക്ക് മണിമലയിൽ നൽകിയ സ്വീകരണത്തിൽ സംസാരിക്കുകയായിരുന്നു അവർ.

മഹിളാ കോൺഗ്രസ് വെള്ളാവൂർ മണ്ഡലം പ്രസിഡൻറ് ബിന്ദു സജി അധ്യക്ഷയായിരുന്നു. കെപിസിസി ജനറൽ സെക്രട്ടറി അഡ്വ. പി.എ. സലിം യോഗം ഉദ്ഘാടനം ചെയ്തു. ജയലക്ഷ്മി ദത്തൻ, വിജയമ്മ ബാബു, മഞ്ജു ചന്ദ്രൻ, ഗീതാ ശ്രീകുമാർ, ബെറ്റി ടോജോ, വിനീത ഹരിലാൽ, ബെൻസി ബൈജു, സുഷമാ ശിവദാസ്, സുനി ജിജി, രാരിണി അനിൽ തുടങ്ങിയവർ നേതൃത്വം നൽകി. കുറിക്കാട്ടൂരിലും സ്വീകരണം നൽകി.