രാജ്യത്തിനുവേണ്ടി ഒരേ സ്വരമായി 1500 ഗായകർ

തിരുവനന്തപുരം: സ്വാതന്ത്ര്യദിനത്തിൽ ദേശത്തിനായി ഒരേ സ്വരത്തിൽ ഒരുമിച്ചു പാടാനുള്ള പരിശീലനത്തിലാണ് 1500 ഗായകർ. കേരള ഗാന്ധി സ്മാരകനിധിയും പാട്ടിൻ്റെ കൂട്ടുകാരും വിവിധ സംഗീത കൂട്ടായ്മകളും ഒരുമിച്ചാണ് കനകക്കുന്നിൽ സ്വാതന്ത്ര്യദിനത്തിൽ നടക്കുന്ന 'തലസ്ഥാനം ദേശത്തിനായി പാടുന്നു' എന്ന പരിപാടിക്കായി തയ്യാറെടുക്കുന്നത്. തലസ്ഥാനത്ത് ആദ്യമായാണ് ആയിരത്തിലധികം ഗായകർ സ്വാതന്ത്ര്യദിനത്തിൽ ഒരുമിച്ച് ദേശീയഗാനാലാപനം നടത്തുന്നത്.

16 മുതൽ 60 വയസ്സുവരെയുള്ള ഗായകർ ഒരുമിച്ച് ഒരേ സ്വരത്തിൽ സമാധാനത്തിന്റെയും ഐക്യത്തിന്റെയും സാഹോദര്യത്തിന്റേയും സന്ദേശം കൈമാറാനാണ് ലക്ഷ്യമിടുന്നതെന്ന് പാട്ടിൻ്റെ കൂട്ടുകാർ സംഘത്തിന്റെ ചെയർമാൻ വേണുഗോപാൽ പറഞ്ഞു. കനകക്കുന്നിൽ വെള്ളിയാഴ്‌ച വൈകീട്ട് ആറിനാണ് പരിപാടി നടക്കുക. മന്ത്രി ജി.ആർ.അനിൽ ഉദ്ഘാടനം ചെയ്യും.