സിയാലിൽ ബ്രാൻഡഡ് ഫുഡ് കോർട്ട്

നെടുമ്പാശ്ശേരി: യാത്രക്കാർക്ക് കൂടുതൽ സൗകര്യങ്ങൾ ഒരുക്കുന്നതിന്റെ ഭാഗമായി സിയാൽ നടപ്പാക്കിവരുന്ന പദ്ധതിയിൽ ഉൾപ്പെടുത്തി 8000 ചതുരശ്രയടി വലുപ്പത്തിൽ പണികഴിപ്പിച്ച ബ്രാൻഡഡ് ഫുഡ് കോർട്ടിന്റെ ഉദ്ഘാടനം മന്ത്രി പി. രാജീവ് നിർവഹിച്ചു. എംഎൽഎമാരായ അൻവർ സാദത്ത്, റോജി എം. ജോൺ, സിയാൽ മാനേജിങ് ഡയറക്‌ടർ എസ്. സുഹാസ്, സിയാൽ ഡയറക്ടർ വർഗീസ് ജേക്കബ്, എക്‌സിക്യൂട്ടീവ് ഡയറക്‌ടർമാരായ വി. ജയരാജൻ, സജി കെ. ജോർജ്, എയർപോർട്ട് ഡയറക്‌ടർ ജി. മനു. സിയാൽ കൊമേഴ്സ്യൽ വകുപ്പ് മേധാവി മനോജ് പി. ജോസഫ്, സിവിൽ വകുപ്പ് മേധാവി ടി. രാജേന്ദ്രൻ തുടങ്ങിയവർ ചടങ്ങിൽ പങ്കെടുത്തു. ആഭ്യന്തര ടെർമിനലിന്റെ ആഗമന ഭാഗത്താണ് പുതിയ ഫുഡ് കോർട്ട് സമ്മജമാക്കിയിരിക്കുന്നത്.