വിവരാവകാശ നിയമം വിപ്ലവകരമായ ചുവടുവെപ്പ് -ജസ്റ്റിസ് പി.ജി. അജിത്കുമാർ

കൊച്ചി വിവരാവകാശ നിയമം ഇന്ത്യൻ ജനാധിപത്യത്തിൽ ഒരു വിപ്ലവകരമായ ചുവടുവെപ്പായിരുവെന്ന് ജസ്റ്റിസ് പി.ജി. അജിത്‌കുമാർ. വിവരാവകാശ കമ്മിഷണർ ഡോ. അബ്‌ദുൽ ഹക്കീമിനുള്ള യാത്രയയപ്പും വിവരാവകാശ സെമിനാറും ഉദ്ഘാടനം ചെയ്യുകയായിരുന്നു അദ്ദേഹം. ചാവറ കൾച്ചറൽ സെന്റർ, പ്രവാസി ലീഗൽ സെൽ, ആർടിഐ കേരള ഫെഡറേഷൻ, പരിവർത്തൻ കേരള എന്നിവയുടെ നേതൃത്വത്തിലാണ് സെമിനാർ സംഘടിപ്പിച്ചത്.

മനുഷ്യാവകാശ കമ്മിഷൻ മുൻ ആക്‌ടിങ് ചെയർപേഴ്‌സൺ പി. മോഹനദാസ് അധ്യക്ഷനായി.ഡോ. അബ്‌ദുൽ ഹക്കിം മുഖ്യപ്രഭാഷണം നടത്തി. ജില്ലാ ഉപഭോക്തൃ തർക്കപരിഹാര കമ്മിഷൻ പ്രസിഡൻ്റ് ഡി.ബി. ബിനു, ചാവറ കൾച്ചറൽ സെന്റർ ഡയറക്‌ടർ ഫാ. അനിൽ ഫിലിപ്പ്, കെ.എൻ.കെ. നമ്പൂതിരി, ഐപ്പ് ജോസഫ് എന്നിവർ പ്രസംഗിച്ചു.