ഓഗസ്റ്റ് മൂന്നുമുതൽ വീണ്ടും മഴ കൂടാൻസാധ്യത

തിരുവനന്തപുരം: കേരളത്തിൽ ഈയാഴ്‌ച മഴ കുറവായിരിക്കും. എന്നാൽ, ഓഗസ്റ്റ് മൂന്നുമുതൽ അഞ്ചുവരെ താരതമ്യേന കൂടുതൽ മഴപെയ്യാൻ സാധ്യതയുണ്ട്. ചിലയിടങ്ങളിൽ ഒറ്റപ്പെട്ട കനത്തമഴയ്ക്കുള്ള സാധ്യതയുണ്ടെന്നും കാലാവസ്ഥാ നിരീക്ഷണകേന്ദ്രം മുന്നറിയിപ്പ് നൽകുന്നു. ഓഗസ്റ്റ് മൂന്നിന് ഇടുക്കി, കോട്ടയം, പത്തനംതിട്ട ജില്ലകൾക്ക് മഞ്ഞമുന്നറിയിപ്പ് നൽകിയിട്ടുണ്ട്.

എന്നാൽ, കഴിഞ്ഞദിവസങ്ങളിലേതുപോലെ അതിശക്തമായ മഴയ്ക്ക് സാധ്യതയില്ല. ഇനിയുള്ള ദിവസങ്ങളിൽ കാലവർഷം വടക്കേയിന്ത്യയിൽ ശക്തിയാർജിക്കും.