മണ്ണാർക്കാട് മണ്ഡലം തിരികെപ്പിടിക്കും -സുമലതാ മോഹൻദാസ്

മണ്ണാർക്കാട്: മണ്ണാർക്കാട്ടെ പാർട്ടിയിൽ യാതൊരുവിധ പ്രശ്‌നങ്ങളുമില്ലെന്നും

മണ്ണാർക്കാട് മണ്ഡലം തിരിച്ചപിടിക്കുമെന്നും സിപിഐ ജില്ലാ സെക്രട്ടറി സുമലതാ മോഹൻദാസ്. ചുമതലയേറ്റശേഷം മണ്ണാർക്കാട്ടെ പാർട്ടി ഓഫീസ് സന്ദർശിച്ചതായിരുന്നു അവർ. കമ്യൂണിസ്റ്റ് പാർട്ടിയെ രക്ഷിക്കാൻ പാർട്ടിപ്രവർത്തകർക്കറിയാമെന്നും സുമലത പറഞ്ഞു. കുമരംപുത്തൂരിലെ കൊങ്ങശ്ശേരി കൃഷ്‌ണൻ സ്‌മൃതികുടീരത്തിലെത്തി പുഷ്‌പാർച്ചന നടത്തി. കുടുംബാംഗങ്ങളെയും സന്ദർശിച്ചു. നേതാക്കളായ മണികണ്ഠ‌ൻ പൊറ്റശ്ശേരി, സുരേഷ് കൈതച്ചിറ, നൗഷാദ്, അബുറാജ, മുത്തു, രവികുമാർ, രവി എം തുടങ്ങിയ നേതാക്കളും പങ്കെടുത്തു.