നാട്ടുകാർക്കെല്ലാം പ്രിയപ്പെട്ട കോട്ടപ്പള്ളിയിലെ അമ്മാളു അമ്മ 104-ാം വയസ്സിൽ നിര്യാതയായി.

നാട്ടുകാർക്കെല്ലാം പ്രിയപ്പെട്ട

 കോട്ടപ്പള്ളിയിലെ അമ്മാളു അമ്മ

104-ാം വയസ്സിൽ നിര്യാതയായി.

100 വയസ്സു വരെ പോളിങ്ങ് ബൂത്തിൽ തന്നെ പോയി വോട്ടു ചെയ്യാൻ ശാഠ്യം പിടിച്ചു. രാഷ്ട്രീയ കാര്യങ്ങളെല്ലാം കൃത്യമായി അറിയാം.

മുടങ്ങാതെ വാർത്തകൾ കേൾക്കും. പഴയ കാലത്തെ കുറിച്ച് ഓർമ്മത്തെറ്റില്ലാതെ കാര്യങ്ങൾ പറയും.

   എന്നെ കാണാൻ അതിയായ ആഗ്രഹം എന്നറിഞ്ഞാണ് ഒരു നീണ്ട ഇടവേളക്ക് ശേഷം വീട്ടിലെത്തിയത്.

സ്വന്തം മകനോടുള്ള സ്നേഹ വാത്സല്യത്തോടെ എന്നോടൊപ്പം എത്ര നേരമാണ് , കോലായിലിരുന്ന് ഒട്ടെറെ പഴയ കാര്യങ്ങൾ ഓർത്തത്.  

എൻ്റെ ഗ്രാമമായ ചോമ്പാലുമായുള്ള ഹൃദയ ബന്ധം.

അച്ഛനേയും അമ്മയേയും അടുത്തറിയാമായിരുന്നു.  പതിവായി പത്രങ്ങൾ വായിക്കുന്ന , വാർത്തകൾ കേൾക്കുന്ന നിരവധി അമ്മൂമ്മമാർ കടത്തനാട്ടുണ്ട്.

വടകരക്കാർ എന്നും അങ്ങിനെയാണ്. ദേശീയ പ്രസ്ഥാനത്തിൻ്റെ ഉച്ഛാസവായു ശ്വസിച്ച് വളർന്നവരാണ് അവർ.  

   അമ്മാളു അമ്മയ്ക്ക് ആദരാഞ്ജലി.

     - മുല്ലപ്പള്ളി രാമചന്ദ്രൻ