വി.എസ്. തൊഴിലാളികൾക്കായി പോരാടിയ നേതാവ് - കെ.എൻ. രവീന്ദ്രനാഥ്

കൊച്ചി: തൊഴിലാളികളുടെ അവകാശങ്ങൾക്കായി എന്നും പോരാടിയ നേതാവായിരുന്നു വി.എസ്. അച്യുതാനന്ദനെന്ന് മുതിർന്ന സിപിഎം നേതാവ് കെ.എൻ. രവീന്ദ്രനാഥ് അനുസ്‌മരിച്ചു.

ചങ്ങമ്പുഴ പാർക്കിൽ സിപിഎം ഇടപ്പള്ളി ലോക്കൽ കമ്മിറ്റി സംഘടിപ്പിച്ച അനുശോചനയോഗത്തിൽ സംസാരിക്കുകയായിരുന്നു അദ്ദേഹം. പോരാട്ടങ്ങളുടെ ഭാഗമായി സമൂഹത്തിൽ വലിയ മാറ്റമുണ്ടാക്കാൻ വി.എസിന് കഴിഞ്ഞതായും രവീന്ദ്രനാഥ് പറഞ്ഞു. തൃക്കാക്കര ഏരിയ സെക്രട്ടറി എ.ജി. ഉദയകുമാർ അധ്യക്ഷനായി.

ഏരിയ കമ്മിറ്റി അംഗം കെ.വി. അനിൽകുമാർ അനുശോചന പ്രമേയം അവതരിപ്പിച്ചു. സിപിഐ മണ്ഡലം സെക്രട്ടറി പി.കെ. സിറിൾ, കോൺഗ്രസ് ഇടപ്പള്ളി മണ്ഡലം പ്രസിഡൻ്റ് അനിൽ പാലത്തിങ്കൽ, ബിജെപി സംസ്ഥാന എക്സിക്യൂട്ടീവ് അംഗം സി.ജി. രാജഗോപാൽ, കൗൺസിലർ ദീപാ വർമ തുടങ്ങിയവർ സംസാരിച്ചു.