അന്താരാഷ്ട്ര സസ്യശാസ്ത്ര കോൺഫറൻസ് ഇന്ന് സമാപിക്കും

തളിപ്പറമ്പ്: സർ സയ്യിദ് കോളേജ് സസ്യശാസ്ത്രവിഭാഗം 21-ന് തുടങ്ങിയ ത്രിദിന അന്താരാഷ്ട്ര സസ്യശാസ്ത്ര കോൺഫറൻസ് 23-ന് സമാപിക്കും. പൂർവവിദ്യാർഥിയും മംഗളൂരു ഇന്ത്യാന ആസ്‌പത്രി ചെയർമാനുമായ ഡോ. അലി കുംബ്ലെ 21-ന് കോൺഫറൻസ് ഉദ്ഘാടനം ചെയ്തു‌. പ്രിൻസിപ്പൽ ഡോ. ഇസ്മായിൽ ഓലയിക്കര അധ്യക്ഷനായി. മഹമൂദ് അള്ളാംകുളം, ദീപ്തി മോഹൻ, കെ.എസ്. ദീപക്, സി.കെ. വാണിദേവി. കെ.എം. ഖലീൽ, വകുപ്പ് മേധാവി പി. ശ്രീജ, എസ്.എം. ഷാനവാസ്, താജോ എബ്രഹാം, സി.ആർ. ലളിത, എ.കെ. അബ്ദുൽ സലാം എന്നിവർ സംസാരിച്ചു. പ്ലാന്റ് ഫിസിയോളജിയിൽ ഉന്നത മാർക്ക് നേടിയ വിദ്യാർഥികൾക്ക് പ്രൊഫ. ജി. ഗോവിന്ദ് അവാർഡുകൾ വിതരണം ചെയ്‌തു. വിവിധ സെഷനുകൾക്ക് പി.വി. സുജിത്ത്, ജോസ് ടി. പുത്തൂർ എന്നിവർ നേതൃത്വം നൽകി.