സുരക്ഷയ്ക്കുള്ള പോലീസ്; രാജ്‌ഭവൻ്റെ പട്ടികവെട്ടി സർക്കാർ

തിരുവനന്തപുരം: രാജ്‌ഭവൻറെ സുരക്ഷാവിഭാഗത്തിലേക്ക് ആറു പോലീസ് ഉദ്യോഗസ്ഥരെ നിയോഗിച്ച് ഇറക്കിയ ഉത്തരവ് സർക്കാർ അന്നുതന്നെ പിൻവലിച്ചു. കാരണം വ്യക്തമാക്കിയിട്ടില്ല.

നിലവിലുള്ള ഒഴിവുകളിലേക്ക് ആറുപേരെ നിയമിച്ചുകൊണ്ട് ജൂൺ 28-ന് പുറപ്പെടുവിച്ച ഉത്തരവാണ് അന്നുതന്നെ റദ്ദാക്കിയത്. ഗവർണറും സർക്കാരും തമ്മിൽ അഭിപ്രായവ്യത്യാസം മുറുകുന്നതിനിടെ, രാജ്‌ഭവൻ ശുപർശ ചെയ്‌ പോലീസ് ഉദ്യോഗസ്ഥരുടെ പട്ടിക അംഗീകരിക്കേണ്ടതില്ലെന്നാണ് സർക്കാർ നിലപാട്. രാജ്‌ഭവൻ്റെ സുരക്ഷാവിഭാഗത്തിലുള്ള ഉദ്യോഗസ്ഥരെ വർഷംതോറും മാറ്റാറുണ്ട്.