സ്വത്ത് തർക്കങ്ങൾ കൂടുന്നതായി വനിതാ കമ്മിഷൻ അദാലത്ത്

മലപ്പുറം കുടുംബാംഗങ്ങൾ തമ്മിലുള്ള സ്വത്ത് തർക്കങ്ങൾ കൂടുന്നതായി വനിതാകമ്മിഷൻ അധ്യക്ഷ അഡ്വ. പി. സതീദേവി പറഞ്ഞു. കളക്ടറേറ്റ് കോൺഫറൻസ് ഹാളിൽ നടന്ന വനിതാകമ്മിഷൻ അദാലത്തിൽ പരാതികൾ കേൾക്കുകയായിരുന്നു അവർ. ദമ്പതിമാർ തമ്മിലുള്ള പ്രശ്‌നങ്ങളും വഴിത്തർക്കങ്ങളുമാണ് അദാലത്തിൽ കൂടുതലായെത്തിയ പരാതികൾ. ആകെ 60 പരാതികൾ കിട്ടിയതിൽ 20 എണ്ണം തീർപ്പാക്കി. 10 എണ്ണം അടുത്ത സിറ്റിങ്ങിലേക്കു മാറ്റിവെച്ചു. വനിതാ കമ്മിഷൻ അംഗം വി.ആർ. മഹിളാ മണി. അഡ്വ. ബീന കരുവാത്ത്, സുഹൃത, അഡ്വ, ശ്രുതി നാരായണൻ, എസ്. രാജേശ്വരി തുടങ്ങിയവർ പങ്കെടുത്തു.