സ്വകാര്യ ബസുകളിൽ ക്യാമറ; സഹായധനവുമായി സംഘടന

എടപ്പാൾ ബസുകളിൽ സിസിടിവി നിർബന്ധമാക്കിയത് പ്രാവർത്തികമാക്കാൻ സഹായധനവുമായി സംഘടന. പൊന്നാനി താലൂക്ക് പ്രൈവറ്റ് ബസ് ഓപ്പറേറ്റേഴ്സ‌് അസോസിയേഷനാണ് അംഗങ്ങളുടെ ബസുകളിൽ നിരീക്ഷണക്യാമറ സ്ഥാപിക്കാനായി സാമ്പത്തികസഹായം നൽകുന്നത്. അംഗത്വഫീസായും മറ്റും ശേഖരിച്ചതിൽ അവശേഷിക്കുന്ന തുകയാണ് ഇതിനായി വിനിയോഗിച്ചത്.

താലൂക്കിലെ നൂറിൽപ്പരം ബസുടമകൾക്കുള്ള സഹായധനവിതരണം സംസ്ഥാന ജന. സെക്രട്ടറി ഹംസ എരിക്കുന്നൻ ഉദ്ഘാടനംചെയ്തു‌. താലൂക്ക് പ്രസിഡൻ്റ് യു.കെ. മുഹമ്മദ് അധ്യക്ഷത വഹിച്ചു. ടി. സുബ്രഹ്മണ്യൻ ജില്ലാ സെക്രട്ടറി പക്കീസ കുഞ്ഞിപ്പ, പാസ് മാനു, എം.പി. രാമനാഥ്, പി.എൻ. റഷിദ് എന്നിവർ പ്രസംഗിച്ചു. പുതിയ അംഗത്വ വിതരണവും നടന്നു.