സഞ്ചരിക്കുന്ന ലൈബ്രറിയുമായി ചെമ്മലമറ്റം സ്കൂ‌ൾ

ചെമ്മലമറ്റം ലിറ്റിൽ ഫ്ളവർ ഹൈസ്‌കുളിൽ വായനാ ദിനത്തിൻ്റെ ഭാഗമായി സഞ്ചരിക്കുന്ന മിനി ലൈബ്രറി ആരംഭിച്ചു. അഞ്ച്, ആറ്, ഏഴ് ക്ലാസുകളിലൂടെയാണ് ലൈബ്രറി സഞ്ചരിക്കുന്നത്, ഓരോ ക്ലാസിലും ഒരു ദിവസം ലൈബ്രറി ഉണ്ടാവും, ഓരോ ക്ലാസിലെയും വിദ്യാർഥികൾ ഒരുദിവസംകൊണ്ട് പുസ്‌തകങ്ങൾ വായിച്ച് അടുത്ത ക്ലാസിന് കൈമാറണം. ലൈബ്രറിക്ക് വിദ്യാർഥികൾക്കിടയിൽനിന്ന് ആവേശകരമായ വരവേൽപ്പാണ് ലഭിക്കുന്നത്. മലയാളം അധ്യാപകരായ ജിജി ജോസഫ്, റിൻ്റാ സിബി, ഹണി ഫ്രാൻസിസ് എന്നിവരുടെ നേത്യത്വത്തിലാണ് ലൈബ്രറി സഞ്ചരിക്കുന്നത്. ലൈബ്രറിയുടെ ഉദ്ഘാടനം സാഹിത്യകാരൻ വിനായക് നിർമൽ ഉദ്ഘാടനം ചെയ്തു‌.

മാനേജർ ഫാ.സെബാസ്റ്റ്യൻ കൊല്ലംപറമ്പിൽ, പ്രഥമാധ്യാപകൻ ജോബൈറ്റ് തോമസ് തുടങ്ങിയവർ പ്രസംഗിച്ചു.