നാഷണൽ ലോക് അദാലത്ത്: അയ്യായിരം കേസുകൾ തീർപ്പാക്കി

മഞ്ചേരി നിയമസേവന അതോറിറ്റിയുടെ നേത്യത്വത്തിൽ ജില്ലയിൽ സംഘടിപ്പിച്ച ലോക് അദാലത്തിൽ അയ്യായിത്തിലേറെ കേസുകൾ തീർപ്പാക്കി. മജിസ്ട്രേറ്റ് കോടതികളിൽ കെട്ടിക്കിടന്ന പിഴ ഒടുക്കി തീർക്കാവുന്ന കേസുകൾ, എംഎസിടി കേസുകൾ, ബാങ്ക്, സിവിൽ കേസുകൾ, ഇലക്ട്രിസിറ്റി ഒപികൾ എന്നിവ ഉൾപ്പെടെ എട്ടുകോടിയിലധികം രൂപയുടെ വ്യവഹാരങ്ങളാണ് തീർപ്പായത്.

അഡീഷണൽ ജില്ലാ ജഡ്‌ജിഎം. തുഷാർ, സീനിയർ ഡിവിഷൻ സിവിൽ ജഡ്‌ജി എം. ഷാബിർ ഇബ്രാഹിം എന്നിവർ അദാലത്തിന് നേതൃത്വംനൽകി. ജില്ലാ ജഡ്ജിമാരായ ടി.ജി. വർഗീസ്, കെ.പി. ജോയ്, സുബിത ചിറക്കൽ, ശ്രീമതി ഫാത്തിമ ബീവി, എസ്. ശ്രീജിത്ത്, എം.പി. ഷൈജൽ, സബ് ജഡ്‌ജി ടി.വി. വിൻസി, മുൻസിഫുമാരായ വിഷ്‌ണു സുഭാഷ്, അശ്വിനി നളിൻ, സി. സാനു എന്നിവർ പരാതികൾ പരിഹരിച്ചു.