ലൈംഗികാധിക്ഷേപ കേസ്: ബോബി ചെമ്മണൂരിന്റെപേരിൽ കുറ്റപത്രം

കൊച്ചി: ലൈംഗികാധിക്ഷേപ കേസിൽ ബോബി ചെമ്മണൂരിന്റെപേരിൽ കുറ്റപത്രം സമർപ്പിച്ചു. എറണാകുളം സെൻട്രൽ പോലീസാണ് മജിസ്ട്രേറ്റ് കോടതിയിൽ കുറ്റപത്രം സമർപ്പിച്ചിരിക്കുന്നത്. നടിയെ അധിക്ഷേപിക്കുകയെന്ന ലക്ഷ്യത്തോടെ ബോബി ചെമ്മണൂർ നിരന്തരം ദ്വയാർഥപ്രയോഗങ്ങൾ നടത്തിയെന്ന് 500-ലധികം പേജുള്ള കുറ്റപത്രത്തിൽ പറയുന്നു.

അധിക്ഷേപപരാമർശത്തിൻ്റെ ഉൾപ്പെടെയുള്ള തെളിവുകൾ കുറ്റപത്രത്തിനൊപ്പം നൽകിയിട്ടുണ്ട്. സാക്ഷിമൊഴികളും നടിയുടെ രഹസ്യമൊഴിയുമെല്ലാം ഇതിനൊപ്പം ചേർത്തിട്ടുണ്ട്. നടി നൽകിയ പരാതിയിൽ പോലീസ് ബോബിയെ അറസ്റ്റുചെയ്‌തിരുന്നു.