'രാഷ്ട്രനിർമാണത്തിന് ജിഎസ്‌ടി സഹായകമാവുന്നു'

കോഴിക്കോട്: ഇന്ത്യ ലോകത്തെ വൻ സാമ്പത്തികശക്തികളിലൊന്നായി

മാറുമ്പോൾ രാഷ്ട്രനിർമാണത്തിന് ജിഎസ്‌ടി സഹായകമാകുന്നുവെന്ന് കേരള-ലക്ഷദ്വീപ് സെൻട്രൽ ടാക്സ‌്, സെൻട്രൽ എക്സൈസ് ചീഫ് കമ്മിഷണർ ഷെയ്ക്ക് ഖാദർ റഹ്‌മാൻ പറഞ്ഞു, ബിൽഡേഴ്‌സ് അസോസിയേഷൻ ഓഫ് ഇന്ത്യ കാലിക്കറ്റ്, മലപ്പുറം സെൻ്ററുകളുടെ ആഭിമുഖ്യത്തിൽ ജിഎസ്ടിയുടെ ഭാവി എന്നവിഷയത്തിൽ പ്രഭാഷണംനടത്തുകയായിരുന്നു അദ്ദേഹം.

"2017-ൽ രൂപംകൊടുത്ത ജിഎസ്‌ടി ഉപയോക്താക്കൾക്കാണ് ഏറ്റവും പ്രയോജനപ്പെടുന്നത്" -അദ്ദേഹം പറഞ്ഞു, അശോകപുരത്തെ കാലിക്കറ്റ് ചേംബർ ഭവനിൽ ചേർന്ന യോഗത്തിൽ ബിഎഐ ചെയർമാൻ സുബൈർ കൊളക്കാടൻ അധ്യക്ഷതവഹിച്ചു. സിറാജുദീൻ ഇല്ലത്തൊടി, സുരേഷ് പൊറ്റെക്കാട്ട് സതീഷ് കുമാർ, കമ്മദ് കുട്ടി, പ്രശാന്ത് മലയിൽ തുടങ്ങിയവരും സംസാരിച്ചു.