കണ്ണമാലി മുതൽ വടക്കോട്ട് ടെട്രാപോഡ് കടൽഭിത്തി നിർമിക്കണം -സിപിഐ

കുമ്പളങ്ങി കണ്ണമാലി മുതൽ വടക്കോട്ടുള്ള കടലോരങ്ങളിൽ ടെട്രാപോഡ് കടൽഭിത്തി നിർമിച്ച് തീരദേശത്തെ കടലേറ്റ ഭീഷണിയിൽ നിന്ന് രക്ഷിക്കാൻ നടപടി വേണമെന്ന് സിപിഐ കൊച്ചി മണ്ഡലം സമ്മേളനം ആവശ്യപ്പെട്ടു. സംസ്ഥാന നിർവാഹകസമിതിയംഗം ആർ. രാജേന്ദ്രൻ സമ്മേളനം ഉദ്ഘാടനം ചെയ്തു. കെ.കെ. ഭാസ്ക്‌കരൻ പതാക ഉയർത്തി. ജില്ലാ നിർവാഹക സമിതിയംഗം ടി.കെ. ഷബീബ് രാഷ്ട്രീയ റിപ്പോർട്ടും മണ്ഡലം സെക്രട്ടറി എം.കെ. അബ്ദുൽ ജലീൽ പ്രവർത്തന റിപ്പോർട്ടും അവതരിപ്പിച്ചു. കമലാ സദാനന്ദൻ, കെ.കെ. അഷ്റഫ്, ജില്ലാ സെക്രട്ടറി കെ.എം. ദിനകരൻ, ഇ.കെ. ശിവൻ, ടി. രഘുവരൻ, എൻ. അരുൺ എന്നിവർ പ്രസംഗിച്ചു. എലിസബത്ത് അസീസി, കെ.എ. അനൂപ്, പി.കെ. ഷിഫാസ് തുടങ്ങിയവർ സംസാരിച്ചു. എം. ഉമ്മർ, കെ.എ. അൻസിയ, മുഹമ്മദ് അബ്ബാസ് എന്നിവരടങ്ങിയ പ്രസീഡിയമാണ് സമ്മേളനനടപടികൾ നിയന്ത്രിച്ചത്. മണ്ഡലം സെക്രട്ടറിയായി എം.കെ. അബ്‌ദുൾ ജലീലിനെ വീണ്ടും തിരഞ്ഞെടുത്തു.