'സർവകലാശാല നിയമഭേദഗതി ചാൻസലർ അംഗീകരിക്കണം'

കണ്ണൂർ : നിയമസഭ പാസാക്കിയ സർവകലാശാലാ നിയമഭേദഗതി പാൻസലർ അംഗീകരിക്കണമെന്നും സർവകലാശാല സ്വയം ഭരണാവകാശം നിലനിർത്തണമെന്നും കണ്ണൂർ യൂണിവേഴ്‌സിറ്റി എംപ്ലോയീസ് യൂണിയൻ സമ്മേളനം ആവശ്യപ്പെട്ടു.

സിപിഎം ജില്ലാ സെക്രട്ടറി കെ.കെ.രാഗേഷ് ഉദ്ഘാടനം ചെയ്‌തു. വർഗീയ അജൻഡയിലൂടെ അക്കാദമിക് സ്ഥാപനങ്ങളെ സംഘപരിവാർ കൈപ്പിടിയിലൊതുക്കിക്കൊണ്ടിരിക്കുകയാണെന്ന് അദ്ദേഹം ആരോപിച്ചു. മനു ബാലകൃഷ്ണ‌ൻ അധ്യക്ഷനായി. ഹരിലാൽ, പി.പി.സന്തോഷ് കുമാർ, ഡോ. രാഖി രാഘവൻ, പി.ഹരീന്ദ്രൻ, പ്രത്യുഷ് പുരുഷോത്തമൻ, പി.ബാബു ആന്റോ, വി.ജയകൃഷ്ണ‌ൻ, വി.വി.രഞ്ജിത്ത് എന്നിവർ സംസാരിച്ചു. ഭാരവാഹികൾ: എ.ഗിരീഷ് കുമാർ (ജന. സെക്ര.), ടി.എൻ.ലീന സുകുമാർ (പ്രസി.), ഡോ. പി.ലിജിന (ഖജാ.).