ലോട്ടറി സമ്മാനഘടന പരിഷ്‌കരിക്കാൻ ടിക്കറ്റ് കത്തിച്ച് പ്രതിഷേധം

ഏറ്റുമാനൂർ കേരള ലോട്ടറി ഏജന്റ്സ് ആൻഡ് സെല്ലേഴ്‌സ് അസോസിയേഷൻ ഏറ്റുമാനൂർ ടൗണിൽ ലോട്ടറി ടിക്കറ്റ് കുത്തിച്ച് പ്രതിഷേധിച്ചു. സംസ്ഥാന പ്രസിഡന്റ് തോമസ് കല്ലാടൻ ഉദ്ഘാടനം ചെയ്‌തു. ലോട്ടറി വിലവർധിപ്പിച്ച് സമ്മാനങ്ങളുടെ ആകെത്തുക കുറച്ച നടപടി പിൻവലിച്ച് സമ്മാനഘടന പരിഷ്കരിക്കണമെന്ന് തോമസ് കല്ലാടൻ ആവശ്യപ്പെട്ടു. ജില്ലാ പ്രസിഡൻ്റ് കെ.ജി. ഹരിദാസ് മുഖ്യപ്രഭാഷണം നടത്തി. നിയോജക മണ്ഡലം പ്രസിഡന്റ് വിഷ്ണു ചെമ്മുള്ളവള്ളി അധ്യക്ഷത വഹിച്ചു. സംസ്ഥാന വൈസ് പ്രസിഡന്റ് എസ്. സുധാകരൻ നായർ, ജില്ലാ സെക്രട്ടറി ശശി തുരുത്തുമേൽ സിനു ജോൺ, സജി ജോസഫ്, വിനോദ് പട്ടിത്താനം, ബിന്ദു ടി.സി., രശ്‌മി തെള്ളകം, ഉഷാ തങ്കപ്പൻ, തിരുപ്പതി വെങ്കടേഷ് തുടങ്ങിയവർ പ്രസംഗിച്ചു.

കോട്ടയം : ഓൾ കേരള ലോട്ടറി ഏജൻറ് ആൻഡ് സെല്ലേഴ്‌സ്

കോൺഗ്രസ്(ഐ.എൻടിയുസി) ജില്ലാ ലോട്ടറി ഓഫീസിലേക്ക് മാർച്ചും ധർണയും നടത്തി. യൂണിയൻ സംസ്ഥാന ജനറൽ സെക്രട്ടറി പി.വി. പ്രസാദ് ഉദ്ഘാടനം ചെയ്തു. ജില്ലാ പ്രസിഡൻറ് ചന്ദ്രികാ ഉണ്ണിക്കൃഷ്‌ണൻ അധ്യക്ഷത വഹിച്ചു. നന്തിയോട് ബഷീർ, സണ്ണി കാഞ്ഞിരം, ടോണി തോമസ്, പി.എച്ച്. അഷറഫ്, ജോർജ് വർഗീസ്, കെ. സുരേഷ് കുമാർ, എ.ഡി. പ്രസാദ് നാഗമ്പടം തുടങ്ങിയവർ സംസാരിച്ചു.