മുര്യോദയം: കൗൺസിലർമാർക്കുള്ള പരിശീലനം സംഘടിപ്പിച്ചു

കൊല്ലം : ലഹരിവ്യാപനത്തിനെതിരേ വിവിധ വകുപ്പുകളെ സംയോജിപ്പിച്ച് കൊല്ലം സിറ്റി പോലീസ് നടപ്പാക്കുന്ന 'മുക്ത്യോദയം' കർമപദ്ധതിയുടെ ഭാഗമായി ജില്ലയിലെ വിവിധ വകുപ്പുകളിൽനിന്നുള്ള കൗൺസിലർമാർക്ക് പരിശീലനം നൽകി. കരുനാഗപ്പള്ളി എസിപി അഞ്ജലി ഭാവന ഉദ്ഘാടനം ചെയ്‌തു. കൊല്ലം സിറ്റി അഡീഷണൽ പോലീസ് സൂപ്രണ്ട് എൻ. ജീജി അധ്യക്ഷനായി. വിമുക്തി ജില്ലാ കോഡിനേറ്റർ ജെ.എസ്. അരവിന്ദ്‌ഘോഷ് പ്രസംഗിച്ചു.

ജില്ലാ മെന്റൽ ഹെൽത്ത് പ്രോജക്ട് വിഭാഗത്തിൽനിന്നുള്ള വിദഗ്‌ധർ ക്ലാസ് നയിച്ചു. ആർദ്രനികേതൻ, ഡിസിആർസി, വൊളന്റിയർ കൗൺസിലർമാർ, വിമുക്തി, ക്യുഎസ്എസ്.എസ്, ഡിസ്ട്ര‌ിക്‌ട് ചൈൽഡ് പ്രൊട്ടക്‌ഷൻ യൂണിറ്റ്, സ്കൂ‌ൾ കൗൺസിലർമാർ തുടങ്ങി വിവിധ വിഭാഗങ്ങളിൽനിന്നുള്ളവർ പങ്കെടുത്തു. ജില്ലാ പോലീസ് മേധാവി കിരൺ നാരായണൻ, ജില്ലാ മെന്റൽ ഹെൽത്ത് പ്രോജക്ട് വിഭാഗം നോഡൽ ഓഫീസർ ഡോ. നമിതാ നസീർ തുടങ്ങിയവർ നേതൃത്വം നൽകി.