വായനയ്ക്കു വസന്തമൊരുക്കി അക്ഷരം ഗ്രന്ഥശാല

വാളിക്കോട് : നെടുമങ്ങാട് പത്താംകല്ല് അക്ഷരം ഗ്രന്ഥശാലയുടെ പ ഫെസ്റ്റിനു തിരിതെളിഞ്ഞു. ഗ്രന്ഥശാലയ്ക്കു പുതുതായി നിർമിച്ച കെട്ടിടത്തിന്റെ ഉദ്ഘാടനവുമായി ബന്ധപ്പെട്ടാണ് അക്ഷരോത്സവം സംഘടിപ്പിച്ചിരിക്കുന്നത്. എ.എ. റഹീം എം.പിയുടെ വികസന ഫണ്ടിൽനിന്ന് 20 ലക്ഷം രൂപയും നെടുമങ്ങാട് നഗരസഭയുടെ ഫണ്ടും ഉപയോഗിച്ചാണ് കെട്ടിടം നിർമിച്ചത്. ഫെസ്റ്റ് മന്ത്രി ജി.ആർ. അനിൽ ഉദ്ഘാടനം ചെയ്തു. നഗരസഭാ ചെയർപേഴ്‌സൺ സി.എസ്. ശ്രീജ അധ്യക്ഷയായി.

ഡോ. ജെ.എസ്. ഷിജുഖാൻ, ദിവ്യ എസ്. അയ്യർ, ചാണ്ടി ഉമ്മൻ എംഎൽഎ, നോവലിസ്റ്റ് ബെന്യാമിൻ, നഗരസഭാ കൗൺസിലർമാരായ പി. ഹരികേശൻനായർ, ബി. സതീശൻ, എസ്. അജിത, ഗ്രന്ഥശാലാ പ്രസിഡന്റ് കെ.പി. പ്രമോഷ്, സെക്രട്ടറി എസ്. ഷമീർ എന്നിവർ സംസാരിച്ചു. 18-ന് ഫെസ്റ്റ് സമാപിക്കും. കഥാപ്രസംഗം, നാടകം, സെമിനാറുകൾ, മെഡിക്കൽ ക്യാമ്പ്, ഗാനമേള തുടങ്ങി വിവിധ പരിപാടികൾ സംഘടിപ്പിച്ചിട്ടുണ്ട്.