മൊയാരത്ത് ശങ്കരൻ സ്‌മാരക പുരസ്‌കാരം മന്ത്രി എം.ബി. രാജേഷ് ഏറ്റുവാങ്ങി

കണ്ണൂർ: സ്വാതന്ത്ര്യസമര സേനാനിയും കമ്യൂണിസ്റ്റ് തേതാവുമായിരുന്ന മൊയാരത്ത് ശങ്കരൻ്റെ പേരിലുള്ള പുരസ്‌കാരം സ്പീക്കർ എ.എൻ.ഷംസീറിൽനിന്ന് മന്ത്രി എം.ബി. രാജേഷ് ഏറ്റുവാങ്ങി. മൊയാരത്ത് ശങ്കരൻ ഫൗണ്ടേഷനു കീഴിലെ മൊയാരത്ത് ശങ്കരൻ സ്‌മാരക ലൈബ്രറി ആൻഡ് റിസർച്ച് സെൻ്റർ ആണ് പുരസ്‌കാരം ഏർപ്പെടുത്തിയത്.

മാലിന്യമുക്ത നവകേരളം സൃഷ്ടിക്കുന്നതിന് മാതൃകാപരമായ നേതൃത്വം നൽകിയതിനാണ് അവാർഡ് എന്നത് ഏറെ അഭിമാനകരമാണ് -എം.ബി.രാജേഷ് പറഞ്ഞു. മന്ത്രി കടന്നപ്പള്ളി രാമചന്ദ്രൻ അധ്യക്ഷനായി. മൊയാരത്ത് ശങ്കരന്റെ മകൻ മൊയാരത്ത് ജനാർദനൻ, താവം ബാലകൃഷ്ണ‌ൻ, പുല്ലായിക്കൊടി ചന്ദ്രൻ എന്നിവർ സംസാരിച്ചു.