തൊഴിൽനിയമങ്ങൾ ജോലിസാധ്യത കുറയ്ക്കുന്നുവെന്ന് എഫ്എൻപിങ

പാലക്കാട് തപാൽ മേഖലയിൽ കേന്ദ്രസർക്കാർ നടപ്പാക്കുന്ന പുതിയ തൊഴിൽനിയമങ്ങൾ യുവാക്കളുടെ ജോലിസാധ്യത ഇല്ലാതാക്കുന്നുവെന്ന് ഫെഡറേഷൻ ഓഫ് നാഷണൽ പോസ്റ്റൽ ഓർഗനൈസേഷൻസ് (എഫ്എൻപിഒ-കേരള സർക്കിൾ).

തപാൽ യൂണിയനുകൾ നിലനിൽക്കേണ്ടത് വകുപ്പിൻ്റെ പുരോഗതിക്ക് അനിവാര്യമാണെന്നും എഫ്.എൻപിഒ സംസ്ഥാനസമ്മേളനത്തിൻ്റെ ഭാഗമായി നടന്ന സംയുക്ത പ്രതിനിധിസമ്മേളനം വിലയിരുത്തി.

പ്രതിനിധിസമ്മേളനം പാലക്കാട് പോസ്റ്റൽ സീനിയർ സൂപ്രണ്ട് ഡബ്യു. നാഗാദിത്യ കുമാർ ഉദ്ഘാടനം ചെയ്‌തു. എൻഎപിഇ ഗ്രൂപ്പ് സി എറണാകുളം ഡിവിഷണൽ പ്രസിഡന്റ് എസ്. കൃഷ്ണപ്രസാദ് അധ്യക്ഷനായി. എസ്.എൻ സോണി, ബി. ദീപക്, പി. ദേവരാജ്, പി.എസ്. സ്വാമിനാഥ് തുടങ്ങിയവർ സംസാരിച്ചു.

വൈകീട്ട് നടന്ന ട്രേഡ് യൂണിയൻ സുഹൃദ്‌സമ്മേളനം രാഹുൽ മാങ്കൂട്ടത്തിൽ എംഎൽഎ ഉദ്ഘാടനം ചെയ്‌തു. വിവിധ സംഘടനാഭാരവാഹികളായ ബാലകൃഷ്ണൻ കുട്ടാല, കെ. ബാൽദേവ്, പി. പ്രത്യുഷ് വർമ, ഐഎൻടിയുസി മുൻ ജില്ലാപ്രസിഡൻ്റ് ചിങ്ങന്നൂർ മനോജ്, സന്തോഷ് കുമാർ, സി.എം. അരുൺ, കെ. ഷണ്മുഖൻ തുടങ്ങിയവർ സംസാരിച്ചു. ബുധനാഴ്ച ഉച്ചയ്ക്ക് സമാപനസമ്മേളനം നടക്കും.