വൈദ്യുതിബോർഡിലും ഇൻഷുറൻസ് നടപ്പാക്കണം

വടക്കാഞ്ചേരി : വൈദ്യുതി ബോർഡിൽ ജീവനക്കാർക്കും പെൻഷൻകാർക്കും

ബാധകമായ സമഗ്ര ഇൻഷുറൻസ് പദ്ധതി നടപ്പാക്കണമെന്ന് കെഎസ്ഇബി പെൻഷനേഴ്സ് അസോസിയേഷൻ ഡിവിഷൻ സമ്മേളനം പ്രമേയത്തിലൂടെ ആവശ്യപ്പെട്ടു. സമ്മേളനം നഗരസഭ ചെയർമാൻ പി.എൻ. സുരേന്ദ്രൻ ഉദ്ഘാടനം ചെയ്തു.സംഘടനയുടെ ഡിവിഷൻ ഓഫീസിൻ്റെ ഉദ്ഘാടനം സേവ്യർ ചിറ്റിലപ്പിള്ളി എംഎൽഎ നിർവഹിച്ചു.

ഡിവിഷൻ പ്രസിഡൻ്റ് കെ.വി. ജോസ് അധ്യക്ഷനായി. എ.സെയ്ഫുദീൻ.എ.ജെ. പോൾ.ടി.വി. ദേവദാസ്,എൻ.ടി. ബേബി, എ.ബി. മുഹമ്മദ് സഗീർ, ടി.ജി. അജിതകുമാരി,സി. പ്രദീപൻ എന്നിവർ പ്രസംഗിച്ചു. ഭാരവാഹികൾ- കെ.വി. ജോസ് (പ്രസി.), ടി.വി. ദേവദാസ് (സെക്ര.), കെ.എൻ. സുലോചനൻ(ഖജാ.).