ചിറ്റൂർ താലൂക്ക് ആശുപത്രി മുഖ്യമന്ത്രി 18-ന് ഉദ്ഘാടനം ചെയ്യും

ചിറ്റൂർ : ചിറ്റൂർ-താലൂക്ക് ആശുപത്രി പുതിയ കെട്ടിടത്തിൻ്റെ ഉദ്ഘാടനം 18-ന് വൈകീട്ട് മൂന്നിന് മുഖ്യമന്ത്രി പിണറായി വിജയൻ നിർവഹിക്കും. ആശുപത്രി കെട്ടിടത്തിൽ സ്ത്രീകൾക്കും കുട്ടികൾക്കുമുള്ള പ്രത്യേക ബ്ലോക്കിന്റെ ഉദ്ഘാടനം മന്ത്രി വീണാ ജോർജ് നിർവഹിക്കും.

ആലോചനായോഗം മന്ത്രി കെ. കൃഷ്‌ണൻകുട്ടി ഉദ്ഘാടനം ചെയ്‌തു. കെ. ബാബു എംഎൽഎ അധ്യക്ഷനായി. കൊല്ലങ്കോട് ബ്ലോക്ക് പഞ്ചായത്ത് പ്രസിഡൻ്റ് ആർ. ചിന്നക്കുട്ടൻ, ചിറ്റൂർ ബ്ലോക്ക് പഞ്ചായത്ത് പ്രസിഡൻ്റ് എ. സുജാത, നഗരസഭഉപാധ്യക്ഷൻ എം. ശിവകുമാർ, ഗ്രാമപ്പഞ്ചായത്ത് പ്രസിഡന്റുമാരായ എം. സതീഷ്, ജനതാദൾ എസ്. സംസ്ഥാന ജനറൽ സെക്രട്ടറി വി. മുരുകദാസ്, ഡെപ്യൂട്ടി ഡിഎംഒ അഹമ്മദ് അഫ്‌സൽ, താലൂക്ക് ആശുപത്രി സൂപ്രണ്ട് ഡോ. അനിൽകുമാർ, എൻഎച്ച്എം ജില്ലാ പ്രോഗ്രാം ഓഫീസർ റോഷ്, നോഡൽ ഓഫീസർ അനൂപ് തുടങ്ങിയവർ സംസാരിച്ചു.

സംഘാടകസമിതി ഭാരവാഹികൾ: മന്ത്രി കെ. കൃഷ്‌ണൻകുട്ടി (ചെയ.) താലൂക്ക് ആശുപത്രി സൂപ്രണ്ട് ഡോ. അനിൽകുമാർ (കൺ.)