രാജ്യത്തിനുവേണ്ടി ഒറ്റക്കെട്ടായി നിൽക്കണം -പേരോട് അബ്‌ദുറഹ്‌മാൻ സഖാഫി

ചങ്ങരംകുളം: രാജ്യത്തെ അസ്ഥിരപ്പെടുത്താനുള്ള ശ്രമങ്ങളെ ഒറ്റക്കെട്ടായി നേരിടണമെന്നും രാജ്യത്തിനുവേണ്ടി ജീവത്യാഗംചെയ്‌ത മുൻഗാമികളുടെ മാർഗം പിൻപറ്റി ജീവത്യാഗം ചെയ്‌തും ദേശസുരക്ഷ ഉറപ്പാക്കാൻ മുസ്‌ലിംസമൂഹം പ്രതിജ്ഞാബദ്ധമാണെന്ന് സമസ്‌ത കേരള ജംഇയത്തുൽ ഉലമ സെക്രട്ടറി പേരോട് അബ്ദുറഹ്‌മാൻ സഖാഫി പറഞ്ഞു. കക്കിടിപ്പുറം അബൂബക്കർ മുസ്ലിയാരുടെ ഉറൂസിനോടനുബന്ധിച്ച് ദലാഇലുൽ ഖൈറാത്ത് കാമ്പസിൽ നടന്ന ആത്മീയ സമ്മേളനത്തിൽ മുഖ്യപ്രഭാഷണം നടത്തുകയായിരുന്നു അദ്ദേഹം.

എം.പി. ഹസ്സൻ ഹാജി ഉദ്ഘാടനംചെയ്‌തു. ഇ.വി. സുലൈമാൻ മുസ്‌ലിയാർ അധ്യക്ഷനായി. സീതിക്കോയ തങ്ങൾ അൽ ബുഖാരി, സയ്യിദ് അതാഉല്ലാ മൂന്നാക്കൽ, സ്വാലിഹ് മുസ്ലിയാർ കക്കിടിപ്പുറം, കെ.പി, അബ്‌ദുല്ലക്കുട്ടി അൽ ഖാസിമി, കെ. സിദ്ദീഖ് മൗലവി അയിലക്കാട്, കെ. അബ്‌ദുസ്സലാം സഅദി വാരിയത്ത് മുഹമ്മദലി, മുജീബ് സഖാഫി, വി.പി. അബുബക്കർ ബാഖവി, കെ.പി. അബ്ദു‌ൽകരീം. മിസ്ബാഹി തുടങ്ങിയവർ പ്രസംഗിച്ചു.