ലഹരിവിരുദ്ധ പോരാട്ടത്തിന് പുതുതലമുറ രംഗത്തിറങ്ങണം -കെ. സുധാകരൻ

കാഞ്ഞങ്ങാട്: ലഹരിവിരുദ്ധ പോരാട്ടത്തിനു പുതുതലമുറ രംഗത്തിറങ്ങണമെന്ന് കെപിസിസി പ്രസിഡൻ്റ് കെ. സുധാകരൻ പറഞ്ഞു. ജവാഹർ ബാൽ മഞ്ച് സംസ്ഥാന സർഗാത്മക സഹവാസ ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം.

ദിനംപ്രതി പത്ര-ദൃശ്യ മാധ്യമങ്ങളിൽ കാണുന്ന വാർത്തകൾ ആശാവഹമല്ലെന്നും ഇത്തരം ഭീകര സംഭവങ്ങൾ ആവർത്തിക്കാതിരിക്കാൻ സമൂഹം കാവലിരിക്കണമെന്നും അദ്ദേഹം ഓർമ്മിപ്പിച്ചു.

സംസ്ഥാന ചെയർമാൻ ആനന്ദ് കണ്ണശ്ശ അധ്യക്ഷനായി. ഡിസിസി പ്രസിഡന്റ് പി.കെ. ഫൈസൽ, കെപിസിസി സെക്രട്ടറി എം. അസൈനാർ, ഹസൻ അമൻ, ഡോ. സാമുവേൽ ജോർജ്, അഡ്വ. പി.ആർജോയ്, പി. ഷമീർ, സാബു മാത്യു വി.വി. നിഷാന്ത്, ഷാഫി പുൽപ്പാറ, സലീഖ് പി. മോങ്ങം, ജില്ലാ ചെയർമാൻ ഷിബിൻ ഉപ്പിലിക്കൈ എന്നിവർ സംസാരിച്ചു.