പഹൽഗാം ഭീകരാക്രമണത്തെ അപലപിച്ച് യുഎൻ രക്ഷാസമിതി

യുഎൻ: പഹൽഗാം ഭീകരാക്രമണത്തെ ശക്തമായ രീതിയിൽ അപലപിച്ച് യുഎൻ രക്ഷാസമിതി. ആക്രമണത്തെ അപലപനീയമായ ഭീകരപ്രവർത്തനമെന്ന് വിശേഷിപ്പിച്ച സമിതി അതിനുത്തരവാദികളെ നിയമത്തിനുമുന്നിൽ കൊണ്ടുവരണമെന്ന് ആവശ്യപ്പെട്ടു. 15 അംഗരാജ്യങ്ങളും ചേർന്ന് പുറത്തിറക്കിയ സംയുക്തപ്രസ്‌താവനയിലാണ് ഇക്കാര്യം പറയുന്നത്. ആക്രമണം ആസൂത്രണം ചെയ്‌തവരെയും സാമ്പത്തികസഹായം ചെയ്തവരെയും നിയമത്തിനുമുന്നിൽ കൊണ്ടുവരണമെന്നും സമിതി പറഞ്ഞു.