ഹോട്ടലുകളിൽ വ്യാജ ബോംബ് ഭീഷണി

തിരുവനന്തപുരം: തലസ്ഥാന നഗരത്തിലെ രണ്ടു ഹോട്ടലുകളിലും

കോവളത്തെ ഒരു ഹോട്ടലിലും വ്യാജ ബോംബ് ഭീഷണി. സെക്രട്ടേറിയറ്റിനു സമീപമുള്ള ഹിൽട്ടൺ, ആക്കുളത്തെ ഗോകുലം ഗ്രാൻഡ്, കോവളത്തെ ഗോകുലം ഗ്രാൻഡ് ടർട്ടിൽ എന്നീ ഹോട്ടലുകളിലാണ് ബോംബ് വെച്ചിട്ടുണ്ടെന്നു വ്യാജഭീഷണി വന്നത്. ഹോട്ടലിൽ ബോംബ് വെച്ചിട്ടുണ്ടെന്നും ഉച്ചയോടെ ബോംബ് പൊട്ടും എന്നുമാണ് ശനിയാഴ്‌ച രാവിലെ വന്ന ഇ-മെയിൽ സന്ദേശം. ഹോട്ടൽ പരിസരത്തും മുറികളിലും ബോംബ് സ്ക്വാഡും പോലീസും പരിശോധന നടത്തി.

കഴിഞ്ഞ കുറച്ചു ദിവസങ്ങളായി തലസ്ഥാനത്തെ വിവിധ സ്ഥാപനങ്ങളിൽ ബോംബ് ഭീഷണി സന്ദേശങ്ങൾ വന്നിരുന്നു. തുടർന്നു നടത്തിയ പരിശോധനകളിലെല്ലാം ഇത് വ്യാജമാണെന്നു തെളിഞ്ഞിരുന്നു.