വൈദ്യുതി ജീവനക്കാരുടെ തടഞ്ഞുവെച്ച ആനുകൂല്യങ്ങൾ നൽകണം -എഐടിയുസി

മട്ടാഞ്ചേരി : വൈദ്യുതി ജീവനക്കാരുടെ തടഞ്ഞുവെച്ച ആനുകൂല്യങ്ങളെല്ലാം ഉടനെ നൽകണമെന്ന് ഇലക്ട്രിസിറ്റി വർക്കേഴ്‌സ് ഫെഡറേഷൻ (എഐടിയുസി) മട്ടാഞ്ചേരി ഡിവിഷൻ യോഗം ആവശ്യപ്പെട്ടു. സംസ്ഥാന ഓർഗനൈസിങ് സെക്രട്ടറി വി. അനിൽകുമാർ ഉദ്ഘാടനം ചെയ്തു. ഡിവിഷൻ പ്രസിഡൻ്റ് കെ.വി. ജോസഫ് അധ്യക്ഷത വഹിച്ചു. സക്കറിയ ഫെർണാണ്ടസ്, പി.എസ്. സ്റ്റാലിൻ, ഡിവിഷൻ സെക്രട്ടറി അജീഷ്, ഷിജി, ടി.വി. ബിജു തുടങ്ങിയവർ സംസാരിച്ചു. ഭാരവാഹികൾ: കെ.വി. ജോസഫ് (പ്രസി.), ആൻറണി ജെർസൻ (സെക്ര.), സ്റ്റാൻലി ജെയിംസ് (ട്രഷ.).